Identifikohet sulmuesi në Dyseldorf, është nga Kosova

12:56 | 10 Mars 2017
Arbresh.info

Kosovari i arrestuar në Dyseldorf, Gjermani, Fatmir H, është personi që plagosi të enjten mbrëma nëntë persona me sëpatë.

Policia gjermane, ka njoftuar se ky person vuan nga një sëmundje mendore.

Policia tha se ai kishte sulmuar njerëzit pa dallim, por fatmirësisht askush nuk ka humbur jetën.

Një person është plagosur rëndë dhe agresori po ashtu, pasi kërceu nga një urë ndërsa përpiqej t’i shpëtonte policisë. Ai po trajtohet tani në një spital.

Konfuzioni është shkaktuar nga pamjet e kamerave të sigurisë në të cilat është parë një person teksa vrapon.

“Ne nuk e përdorim fjalën terrorizëm”, ka thënë një zëdhënës i Policisë duke shtuar se nuk ka pasur kërcënime për sulme të reja dhe ende nuk dihet saktë për rrethanat e ngjarjes.